Ilmbanki íslenskra jurta lifandi sýning í Hönnunarsafni Íslands

Ilmbanki íslenskra jurta - lifandi sýning í Hönnunarsafni Íslands

Í byrjun sumars fengum við aðsetur í Hönnunarsafni Íslands. Hugmyndin var að setja upp lifandi sýningu á rannsóknarverkefni okkar Ilmbanki Íslenskra jurta, ásamt því að vera með litla vinnuaðstöðu/rannsóknarstofu fyrir verkefnið.

Með þessu móti gátum við leyft fólki að fylgjast með framvindu verkefnisins. rannsóknin snéri um að rannsaka plöntur, grös og tré sem innihalda ilmkjarnaolíur og reyna með mismunandi eimingaraðferðum að ná þeim í formi ilmkjarnaolíu eða kjarnamassa/absolute. Árangurinn hverju sinni var svo settur í merkt glös sem lágu frammi í sýningarrými verkefnisins til að gestir og gangandi gætu fundið lyktina.

Viðtökurnar fóru framúr okkar björtustu vonum og mætti oft sama fólkið aftur og aftur til að fylgjast með. Það kom okkur einnig á óvart hvað það gerði mikið fyrir verkefnið í heild sinni að leyfa fólki að hafa beinan aðgang að því í fallegu sýningarrými safnsins. Það kom svo á daginn að íslensk og erlend fyrirtæki fóru einnig að sýna okkur mikinn áhuga  og var því ákveðið að stækka verkefnið og halda áfram frekari rannsóknum.

sýningin stendur yfir til loka október og þökkum við Hönnunarsafni Íslands kærlega fyrir ákaflega gæfuríkt og fallegt samstarf!

 

Jurtirnar sem við rannsökuðum voru:

  1. Sitkagreni (Picea sitchensis)
  2. Stafafura (Pinus contorta)
  3. Fjallaþinur
  4. Einir 
  5. Lindifura 
  6. Bergfura 
  7. Birki 
  8. Birkitjara
  9. Archangelica Hvannarfræ
  10. Archangelica Hvannarrót
  11. Beltisþari
  12. Bóluþang
  13. Hey
  14. Melgresi
  15. Rabbabari
  16. Blóðberg
  17. Rauðsmári
  18. Vallhumall
  19. Kindaskítur
  20. Spánarkerfill
  21. Ilmreyr
  22. Krækiberjalyng
  23. Fjalladalafífill
  24. Kúmen
  25. Gulmaðra
  26. Sortulyng
  27. Mjaðjurt
  28. Horblaðka
  29. Mosi Evernia prunastri L

 

 

 

 

← Older Post Newer Post →



Leave a comment

Please note, comments must be approved before they are published